ლეგენდარულმა ფრანგმა მცველმა მამადუ სახომ “ტორპედოს” მაისურით "გარეჯის" წინააღმდეგ თავისი ბოლო მატჩი ჩაატარა.
მატჩის შემდეგ ფრანგმა ფეხბურთელმა კლუბის ოფიციალურ გვერდთან საუბრისას "ტორპედოს" მადლობა გადაუხადა და კლუბს წარმატებები უსურვა.
“ტორპედოში” მოსვლისას მსურდა მესაუბრა გუნდთან, გამეზიარებინა გამოცდილება. ამ ხნის განმავლობაში ჩემი ოჯახი საქართველოში იყო, შვილები სკოლაში აქ დადიოდნენ. მხოლოდ საუკეთესო შემიძლია ვუსურვო კლუბს, გუნდელებს. მადლობა ფანებს, მადლობა კლუბს ყველაფრისთვის. დასახული მიზნების მიღწევას გისურვებთ. იმ დღეს, როცა “ტორპედო” ქვეყნის ჩემპიონი გახდება, აუცილებლად ჩამოვალ და აქ ვიქნები", - თქვა სახომ.
სახომ "ტორპედოს" მაისურით ჯამში 19 მატჩში მიიღო მონაწილეობა.
