ვლადიმერ მამუჩაშვილი "ტორპედოს" ფეხბურთელია

საქართველოს ეროვნული ნაკრების 27 წლის ცენტრალური ნახევარმცველი ვლადიმერ მამუჩაშვილი „ტორპედოს“ ღირსებას დაიცავს.

მამუჩაშვილის კონტრაქტი „ტორპედომ“ ტირასპოლის „შერიფიდან“ გამოისყიდა. ჩვენი კლუბის ახალწვეული მოლდოვის ჩემპიონატის 2024-2025 წლის საუკეთესო ფეხბურთელად დასახელდა.

2024 წლის ზაფხულში მოლდოვის ყველაზე ტიტულოვან გუნდში გადასვლის შემდეგ, მამუჩაშვილმა ყველა ტურნირზე 10 გოლი გაიტანა და 6 საგოლე გადაცემა შეასრულა.

საქართველოს ეროვნული ნაკრების მაისურით ვლადიმერ მამუჩაშვილს 12 მატჩი აქვს ჩატარებული.

კლუბსა და ფეხბურთელს შორის კონტრაქტი 2+1 სისტემით გაფორმდა.