ქუთაისის ტორპედოს 24 წლის შემტევი ნახევარმცველი ცოტნე ფაცაცია და 27 წლის ნახევარმცველი ირაკლი ბიძინაშვილი შეუერთდნენ. ორივე ფეხბურთელის ტრანსფერი ტორპედოში წინა წლებშიც განიხილებოდა და ნიშანდობლივია, რომ ორივე მათგანმა თავდაპირველად ბათუმის დინამოს სასარგებლოდ გააკეთა არჩევანი.
1 წლის შემდეგ სწორედ ბათუმის დინამოდან განხორციელდა ტორპედოში ცოტნე ფაცაციას ტრანსფერი. მან ამ პერიოდში საქართველოს ჩემპიონის ტიტულთან ერთად ეროვნული ლიგის წლის საუკეთესო გოლის ავტორის სპეციალური პრიზიც მოიპოვა. ცოტნე ფაცაციასა და ტორპედოს შორის 3 წლიანი ხელშეკრულება გაფორმდა, მისი დამატებით წლით გაგრძელების პირობით.
ირაკლი ბიძინაშვილის ტრანსფერი კი ყაზახური “ჟენისიდან” განხორციელდა, სადაც ის ეროვნული ლიგიდან მიმდინარე სეზონის დასაწყისში გადავიდა. წინა წლებში იგი ბათუმის დინამოს, გორის დილასა და იბერია 1999-ის ღირსებას იცავდა, იყო საქართველოს 17, 19 და 21 წლამდელთა ნაკრების წევრი. ირაკლი ბიძინაშვილმა ტორპედოსთან 2-წლიანი ხელშეკრულება გააფორმა მისი დამატებით ერთი წლით გაგრძელების პერსპექტივით.
