სექტემბრის სანაკრებო მატჩებში მონაწილეობას "ტორპედოს" 5 ფეხბურთელი მიიღებს.
ჩვენი გუნდის კაპიტანი ვლადიმერ მამუჩაშვილი საქართველოს ეროვნულ ნაკრებში გამოიძახეს. საქართველოს ეროვნული ნაკრები 2026 წლის მსოფლიოს ჩემპიონატის საკვალიფიკაციო ეტაპისთვის მზადებას იწყებს. შესარჩევი ეტაპის საწყის ორ ტურში ჩვენი ნაკრები საკუთარ მოედანზე თურქეთისა და ბულგარეთის ნაკრებებს უმასპინძლებს.
საქართველო 21-წლამდე ნაკრებშია გამოძახებული ალეკო ბასილაძე. ახალგაზრდული ნაკრები ევროპის ჩემპიონატის ახალ შესარჩევ ციკლს 9 სექტემბერს, 20:00 საათზე, ჩრდილოეთ ირლანდიასთან მატჩით დაიწყებს. შეხვედრა ქუთაისში, რამაზ შენგელიას სახელობის სტადიონზე გაიმართება.
კიდევ ორი ახალგაზრდა ფეხბურთელი, 16 წლის ლუკა კუპრავა და 17 წლის ანრი ჭითანავა კი საქართველოს 19-წლამდე ნაკრებში გამოიძახე. ჩვენი ნაკრები 2-დან 9 სექტემბრის ჩათვლით თბილისში შეკრებას გაივლის, 7-9 სექტემბერს კი საბერძნეთის წინააღმდეგ ამხანაგურ მატჩებს გამართავს.
მეხუთე ტორპედოელი კი ნახევარმცველი სორი მანეა, რომელიც გვინეა-ბისაუს ნაკრებში გამოიძახეს. გვინეა-ბისაუ მსოფლიო ჩემპიონატის საკვალიფიკაციო ეტაპის ფარგლებში სექტემბერში ორ ოფიციალურ შეხვედრას გამართავს და ამ მატჩებისთვის ნაკრებში სორი მანესაც უხმეს.
