საქართველოს 21-წლამდე ნაკრების ფეხბურთელი დავით ბუკია "ტორპედოში" ითამაშებს.
20 წლის მცველმა, რომელსაც საქართველოს ყველა ასაკობრივ ნაკრებში თამაშის გამოცდილება აქვს, ჩვენს კლუბთან კონტრაქტი 2+1 სისტემით გააფორმა. ბუკია თბილისის "ლოკომოტივის" აღზრდილია და "ტორპედოს" სწორედ დედაქალაქური კლუბიდან შეუერთდა.
გასულ წელს საქართველოს 21-წლამდე ნაკრებთან ერთად ბუკიამ ევროპის ჩემპიონატის საკვალიფიკაციო ეტაპის ხუთივე მატჩში მიიღო მონაწილეობა და 1 გოლი გაიტანა, "ლოკომოტივის" მაისურით კი 78 მატჩში 12 გოლი აქვს გატანილი.
"ტორპედოს" ახალწვეული კვიპროსში გაემგზავრება და ახალი სეზონისთვის გუნდთან ერთად მოემზადება.
